ခွန်အားဖြည့်မိငယ်

အားလုံးကို ကျော်ဖြတ်ရမယ်

ကြယ်ကြွေချိန် ညလေး တည

မောင့်လပြည့်ဝန်း

'မောင့်လပြည့်ဝန်း' 2011

'မောင့်လပြည့်ဝန်း'ကို ကိုယ်တိုင်ဆိုပြီး ပြန်အသက်သွင်းမယ့် တေးရေး ကိုနေ၀င်း

နွမ်ဘွိုင်း
မြန်မာတိုင်းမ် - အတွဲ ၂၆ ၊ အမှတ် ၅၁၀ (၁၈ - ၂၄ ၊ ၃ ၊ ၂၀၁၁)

တေးရေးကိုနေ၀င်းကို နေအိမ်တွင် အေးအေးလူလူ ဂစ်တာတီးခတ် နေသည်ကို တွေ့ရစဉ်။ ဓာတ်ပုံ - ခရစ္စတိုဖာ

"ဒီတစ်ညမှာ မြင်ရခဲတဲ့ ... မောင့်လပြည့်ဝန်း...သာလွန်းတဲ့ အရင်ည
က ... မောင့်လပြည့်ဝန်း၊အမှောင်ညကိုစွန့်သွားခဲ့ ...မောင့်လပြည့်ဝန်း"
အဓိပ္ပာယ်ပြည့်ဝလွန်းလှတဲ့ တေးရေးကိုနေ၀င်းရဲ့ ဒီ'မောင့်လပြည့်ဝန်း' သီချင်းလေးက တေးချစ်သူတွေအကြား မှာ ရေပန်းစားသလို တေးရေး ဆရာက လည်း ဒီသီချင်းလေးက သူ့ရဲ့ အကောင်းဆုံးလက်ရာပါလို့ ဆိုပါတယ်။

ချစ်သူက စွန့်ပစ်သွားပေမယ့် အမြဲ သစ္စာရှိနေတဲ့ ယောက်ျားတစ်ဦးရဲ့ အလွမ်းကို ဖွဲ့ဆိုထားတဲ့ သီချင်းလေး ဖြစ်ပြီး သူ့ရဲ့ကိုယ်ပိုင်ခံစားချက် လည်း ဖြစ်တယ်လို့ ကိုနေ၀င်းက အပြုံးနဲ့ ဆိုပါတယ်။

"ဒီသီချင်းကို ၁၉၇၄ ခုနှစ်တုန်းက စရေးခဲ့တာ။ အပြီးသတ်ကိုတော့ နောက်တစ်နှစ် မန္တလေး တက္ကသိုလ်ဝင်း မှာ သွားနေတော့မှ အပြီး သတ်နိုင်ခဲ့ တယ်။ အဲဒီအချိန်ကတည်းက စိုင်းထီး ဆိုင်တို့နဲ့အတူ မိန်းကလေးအဆောင်ရှေ့တွေမှာ သွားသွားဆိုတော့ သူတို့က လည်း ကြိုက်ကြတယ်"လို့'မောင့်လပြည့်ဝန်းနဲ့ပတ်သက်တဲ့ အမှတ်တရတချို့ ကို ပြန်ပြောင်းပြောပြပါတယ်။

'မောင့်လပြည့်ဝန်း'အပြင် 'အားလုံး ကို ကျော်ဖြတ်ရမယ်'၊ 'မောင်ငိုမယ်
မိုးသည်းထဲမှာ'၊ 'အဆင်သင့်ပဲဟေ့'၊ 'ရင်ကိုအေးမြစေသား'၊ 'မခြွေထိုက်တဲ့ ပန်း' စတဲ့ သီချင်းကောင်းများစွာနဲ့ နာမည်ကျော်လူသိများ ခဲ့တဲ့ တေးရေးကိုနေ၀င်းဟာ ခုဆိုရင် အသက် ၆၀ ပြည့်ခဲ့ပြီ။ ဒါပေမယ့်လည်း သူ့သီချင်း တွေကတော့ ယနေ့တိုင် ပရိသတ်တွေရင်ထဲ မှာ စွဲငြိနေဆဲ။

အောင်မြင်တဲ့တေးရေးဆရာအဖြစ် ကိုယ်ပိုင်သံစဉ်အပုဒ် ၃၀၀ ကျော်နဲ့ ကော်ပီသီချင်းအပုဒ် ၂၀၀ ကျော် ရေးသားခဲ့တဲ့သူ့ရဲ့တေးရေး ဘ၀ကို အစပြုခဲ့တဲ့ သီချင်းလေးကတော့ 'ချိုသဲ က ပြုံးနေလို့' ဆိုတဲ့သီချင်းလေးပါတဲ့။

"ကျွန်တော် အဲဒီသီချင်းကို စရေးဖြစ် တုန်းက အသက် ၁၅ နှစ် အရွယ်လောက်ပဲရှိသေးတယ်။ ပထမဆုံးရေးဖြစ်တဲ့ ကိုယ်ပိုင်သံစဉ် သီချင်းဆိုတော့ စာသားတွေကို Beatles ရဲ့ "Because"သီချင်းစာသားတွေကို ဘာသာပြန်ပြီးကိုယ့်စာသားတချို့နဲ့ ရောလိုက်တယ်" လို့ သူ့ရဲ့ပထမဆုံးရေးဖြစ်တဲ့ အတွေ့ အကြုံကို ပြောပါတယ်။

"ပထမဆုံးရေးတဲ့သီချင်းလည်းဖြစ်၊ အသက်ကလည်း ငယ်သေးတော့ အဲဒီ သီချင်းက အရမ်းရိုးလွန်းအားကြီးပြီး ကလေးဆန်နေ တာပေါ့" လို့လည်း လူကြီးပိုင်းအရွယ်တစ်ဦးအနေနဲ့ သူ့ သီချင်းအပေါ် သုံးသပ်ပါတယ်။

ကိုယ်ပိုင်သံစဉ်၊ ကော်ပီသီချင်းတွေ နဲ့ နာမည်ရနေပေမယ့်လည်း အခုဆိုရင် ကော်ပီတေးသီချင်းတွေကို မရေးဖြစ်တာ နှစ်အစိတ် ကျော်ပြီလို့လည်း ဆိုပါတယ်။

"ကိုယ်ပိုင်သံစဉ်အရေးများလာတော့ ကော်ပီရေးချင်စိတ် နည်းသွားတာလည်းပါတယ်။ ပြီးတော့ နာမည်ဘယ်လောက်ပဲရရ စိတ်ထဲမှာ မလုံဘူး။ အဲဒါကြောင့် ပိုင်ရှင်ဆီကခွင့်ပြုချက်ရပြီး ရေးဖို့အခွင့် အရေးရှိမှပဲ ရေးတော့မယ်လို့ ဆုံးဖြတ် လိုက်တာ" လို့ သူ့ရဲ့ခံယူချက် ကို ပြောပါတယ်။
၃၆ နှစ်တာကာလ သီချင်းတွေရေးခဲ့ တဲ့အချိန်အတွင်း ကော်ပီသီချင်းတွေကို ရပ်တည်မှုတစ်ခုအတွက် ရေးဖြစ်ခဲ့တာ ပါလို့ဝန်ခံပြီး အဲဒီလို ကော်ပီရေးအတတ် ပညာကို ဇာတိဖြစ်တဲ့ ရှမ်းပြည်နယ်ကနေ ရန်ကုန်ရောက်လာမှ တတ်လာခဲ့ရတာလို့လည်း ပြောပါတယ်။

"အရင်တုန်းကတော့ ကော်ပီသီချင်း တွေရေးရင်လည်း သီချင်းတစ်ပုဒ်လုံးကို ကျေညက်နေအောင် ရပြီးမှ စာသားအတွက် စစဉ်းစား တယ်။ ဒါပေမယ့် ရန်ကုန်က တေးရေးဆရာတွေ ရေးတဲ့ ပုံစံက ကက်ဆက်ကိုဖွင့်လိုက်၊ တစ် ကြောင်းရေးလိုက်နဲ့ တစ်ပုဒ်လုံး ကျေ ညက်စရာမလိုဘူး။ အဲဒါမှလည်း အချိန်မစားဘဲ အဆင်ပြေတာ။ ကျွန်တော် အရင်သုံးခဲ့တဲ့ နည်းကျတော့ အချိန် အရမ်းပေးရတော့ ရပ်တည်မှုအတွက် လုပ်ရတဲ့အခါ အဆင်မပြေတော့ဘူး"လို့ သူက ဆိုပါတယ်။

ဒီလိုအချိန်တိုအတွင်းမှာ ဘ၀ရပ် တည်မှုအတွက် သီချင်းတွေကို ဖန်တီး ပြီးရေးရတော့ အဆင်ပြေတဲ့စာသား၊ ရုတ်တရက် ခေါင်းထဲ ရောက်လာတဲ့ စာသားတွေကိုပဲ ထည့်ရေးရတာဖြစ်လို့ အေးအေးဆေးဆေး အချိန်ပေးရေးခဲ့တဲ့ သီချင်းတွေကပဲ ရေရှည်ကျန်ခဲ့တယ် လို့ သုံးသပ်ပြခဲ့ပါတယ်။
"ကိုယ်ပိုင်သံစဉ်တွေကျတော့ ကိုယ်တစ်ယောက်တည်းရဲ့လက်ရာဆိုတော့ သံစဉ်နဲ့စာသားကို စိတ်တိုင်းကျ ဖန်တီး လို့ရတယ်။ ပြီး တော့ တန်ဖိုးချင်းလည်းကွာတယ်" လို့လည်း ဆိုပါတယ်။

ကိုနေ၀င်းဟာ တေးရေးအပြင် အဆိုဘက်မှာလည်း ပါရမီထူးသူပါ။ ဒါကြောင့် ၁၉၇၆ ခုနှစ်မှာ 'အားလုံးကိုကျော်ဖြတ်ရမယ်'၊ ၁၉၈၅ ခုနှစ်မှာ 'ယာဉ်အမီ ရီရီပြုံးပြန်ပါ'၊ ၁၉၈၉ ခုနှစ်မှာ ခင်မောင်တိုး၊ စိုင်းထီးဆိုင်တို့နဲ့အတူ 'မိုးသောက်ခဲ့ပြီ'၊ ၁၉၉၁ ခုနှစ်မှာ 'ယိမ်းနွဲ့တဲ့ လှိုင်း' အစရှိတဲ့ တေးစီးရီးတွေကို သီဆိုဖြန့်ချိခဲ့ပြီး အခု ၂၀၁၁ ခုနှစ်အတွင်းမှာလည်း လွန်ခဲ့တဲ့ ၁၀ နှစ်လောက်တုန်းကသွင်းထား ခဲ့တဲ့တေးသီချင်းသစ်ကိုးပုဒ်နဲ့ 'မောင့်လပြည့်ဝန်း'ကိုversion အနည်းငယ် ပြောင်းပြီးပြန်ဆိုထားတဲ့ 'ဆောင်းသို့လွမ်းချင်း' တေးစီးရီး ကိုလည်း ဖြန့်ချိသွားမယ်လို့ သိရပါတယ်။

http://www.myanmar.mmtimes.com/2011/timeout/510/time01.html

concert in jan 2011

အဆိုတော်ကြီးငယ်အရွယ်စုံရဲ့ လပြည့်ဝန်းသို့တမ်းချင်းည

နွမ်ဘွိုင်း
မြန်မာတိုင်းမ် အတွဲ ၂၆၊ အမှတ် ၅၀၄ (၄-၁၀ ၊ ၂ ၊ ၂၀၁၁)

မဇ္ဈိမလှိုင်းတေးဂီတအဖွဲ့နဲ့အတူ တေးရေးကိုနေ၀င်း သီချင်းသီဆို ဖျော်ဖြေနေစဉ်။ ဓာတ်ပုံ - ဆိုင်းမိုင်

တေးရေးကိုနေ၀င်းကို ဂုဏ်ပြုတဲ့ အနေနဲ့ ကျင်းပတဲ့ 'လပြည့်ဝန်းသို့ တမ်းချင်းည' ဂီတဖျော်ဖြေပွဲ ကို ပြီးခဲ့ တဲ့ ဇန်န၀ါရီ ၂၉ ရက်နေ့က အမျိုးသားဇာတ်ရုံမှာ ကျင်းပခဲ့ပါတယ်။ 

ဒီပွဲက 'မောင့်လပြည့်ဝန်း' သီချင်းကို ရေးစပ် ဖန်တီးခဲ့သူ တေးရေး ကိုနေ၀င်းကိုဂုဏ်ပြုတဲ့ပွဲဖြစ်သလို နှစ်ပေါင်းရှည်ကြာလက်တွဲမြဲခဲ့ကြတဲ့ မဇ္ဈိမလှိုင်း တေးဂီတအဖွဲ့သားတွေရဲ့ နှစ် ၃၀ ကြာ အတူဖြတ်သန်းခဲ့ကြ တာကို ဂုဏ်ပြုတဲ့ ပွဲလည်း ဖြစ်ပါတယ်။

ဒီပွဲမှာတော့ ခင်မောင်တိုး၊ ရဲသွင်၊ ဇော်ဝင်းထွဋ်၊ လေးဖြူ၊ ခိုင်ထူး၊ သား ထွေး၊ဘိုဖြူ၊ဂျေမောင်မောင်၊ ရင်ဂို၊မာရဇ္ဇ၊ ဇော်ပိုင်၊ဖိုးကာ၊ သျှီ၊ခင်ဘုဏ်း နဲ့ ချမ်းချမ်းတို့အပြင် တေးရေး ကိုနေ၀င်း ကိုယ်တိုင်ကလည်း သူ့ရဲ့ master piece ပါလို့ဆိုတဲ့ 'မောင့်လပြည့်ဝန်း'သီချင်းနဲ့ ၁၉၈၅ ခုနှစ်က ထုတ်ခဲ့တဲ့ သူ့ရဲ့ ပထမဆုံး တစ်ကိုယ်တော်အခွေရဲ့ ခေါင်းစဉ်သီချင်း 'ယာဉ်အမီ ရီရီပြုံးပြန် ပါ'နဲ့ သီဆိုဖျော်ဖြေပေးခဲ့တာကြောင့် လွန်ခဲ့တဲ့ဆယ်စုနှစ်တွေဆီ ပြန်ရောက် သွားသလိုပါပဲ။

တစ်ချိန် တစ်ခါက နာမည်ကြီးခဲ့တဲ့ သီချင်းတွေရဲ့ ဆွဲငင်မှုအောက်မှာ စီးမျောခဲ့ရသလို မဇ္ဈိမလှိုင်းအဖွဲ့နဲ့အတူ တယော ဦးတင်ရီက လည်း ကူညီဖျော်ဖြေပေးခဲ့တာမို့ ဖျော်ဖြေမှုက မြိုင်ဆိုင်နေပါတယ်။ 

ဒီပွဲမှာ သီဆိုပေးသွားကြတဲ့ အဆိုတော်တွေရဲ့ ပီတိကလည်း မသေးပါဘူး။ "အပုဒ်တိုင်းကောင်းအောင်ရေးနိုင်တဲ့ ကိုနေ၀င်းကို အရှင် လတ်လတ် ဂုဏ်ပြုခွင့်ရတဲ့အတွက်ဝမ်းသာတယ်" လို့ဆိုတဲ့ ဇော်ဝင်းထွဋ်ကတော့ သူအဆိုတော် မဖြစ်ခင်၊အသံ စမ်းသပ်သွင်းခဲ့ စဉ်က သူအရဆုံး သီချင်းလည်းဖြစ်၊ အရမ်းလည်းကြိုက်တဲ့ 'ခွန်အားဖြည့်မိငယ်' ဆိုတဲ့သီချင်းနဲ့ သီဆိုဖျော်ဖြေခဲ့ပါတယ်။

ဒီသီချင်းက သူ့ကိုအဆိုတော်မဖြစ်နိုင်ဘူးလို့အင်မတန်မှ စိတ်ဓာတ်ကျစေခဲ့တဲ့ သီချင်းတစ်ပုဒ်လည်း ဖြစ်ခဲ့တယ် လို့လည်း ဇော်ဝင်းထွဋ် က ဆိုပါတယ်။

ဒါ့ပြင် လေးဖြူကလည်း 'အသည်း မညည်းနဲ့'၊ 'သတိမမူဂူမမြင်'၊ 'သဇင် ကြွေတဲ့ဆောင်း' စတဲ့ တေးသီချင်းတွေနဲ့ ဖျော်ဖြေခဲ့ပြီး ဒီလို သက်ရှိထင်ရှားရှိနေတဲ့ စီနီယာတွေကို ဂုဏ်ပြုတဲ့ပွဲမှာ သီဆိုရတာဂုဏ်ယူကြောင်းနဲ့ ဒီလိုအစဉ်အလာလေးကို ဆက်လက်ထိန်းသိမ်း သွားဖို့ မျှော်လင့်တယ်လို့လည်း ဆိုပါတယ်။ 

အသက် ၆၀ ပြည့်ပြီဖြစ်တဲ့ တေးရေး ဆရာ၊ အဆိုတော် ကိုနေ၀င်းကတော့ ဇရာကြောင့် အသံတွေတုန်လာပေမယ့် အဆွဲအငင်တွေကို ကောင်းကောင်းသီဆိုဖျော်ဖြေသွားနိုင်ခဲ့တာကို တွေ့ရပါတယ်။ 

ဒါ့ပြင် ဖျော်ဖြေရေးကဏ္ဍ ဒုတိယပိုင်းအစမှာတော့ တေးရေးကိုနေ၀င်းကို အားပေးကြတဲ့ ပရိသတ်ကြီးက သူတို့ချစ်ရတဲ့ အနုပညာရှင် ကို မေးလိုရာ များ တိုက်ရိုက် မေးမြန်းနိုင်မယ့် အစီ အစဉ်ကို ထည့်သွင်းပေးထားလို့ လာ ရောက်အားပေးကြတဲ့ ပရိသတ်ကြီး လည်း သိချင်တာလည်း သိခွင့်ရသလို သူတို့ချစ်တဲ့ အနုပညာရှင်နဲ့ လည်း ရင်းနှီးစွာမေးမြန်း ပြောဆိုနိုင်ခွင့်ရခဲ့တဲ့ အတွက် အဆိုတော်တွေ အချင်းချင်း သာမဟုတ်ဘဲ ပရိသတ်တွေပါ ရင်းရင်း နှီးနှီးရှိခဲ့တဲ့ ပွဲပါပဲ။ 

 http://www.myanmar.mmtimes.com/2011/timeout/504/time02.html

ko nay win supports Kyaw Thu

ပျံသန်းကြမည့် ဂီတသူရဲကောင်းများ

ကျော်သူ

သြဂုတ် ၂၇၊ ၂၀၁၀

“ လူဆိုသည်မှာ ထင်းပုံကို တည် မီးလိုက်လို့ စား အကြွင်းက ပြာပဲ xxx ခွဲချိန်တန် ခွဲကြရမယ် ဒို့လိုလူတိုင်းပဲ xxx နှုတ်ဆက်ခြင်းရဲ့အစ . . . နှုတ်ဆက်ခြင်းရဲ့အဆုံး xxx တွေ့ဆုံကြုံကွဲ လောကရဲ့ သဘာဝပဲ xxx တွေ့ဆုံကြုံကွဲ လောကရဲ့ သဘာဝပဲ ”

အထက်ပါ သီချင်းစာသားကတော့ တေးရေး - ကိုနေ၀င်း (မောင့်လပြည့်ဝန်း) ၏ နာရေးကူညီ မှုအသင်း(ရန်ကုန်) အတွက် ကိုယ်တိုင်ရေးသား၍ သီဆိုပေးထားသော “အိုးထိန်းစက် သံသရာ” အမည်ရှိ တေးသီချင်းဖြစ်သည်။

“ May all be happy

Share my love, peace and harmony

May all be happy

Share your love, peace and harmony.

Let the world will be free. ”

အထက်ပါ သီချင်းစာသားကတော့ မဇ္ဈိမလှိုင်း တေးဂီတအဖွဲ့မှ Bass ဂီတပညာရှင် ကိုရဲလွင် ကိုယ်တိုင် ရေးစပ်သီဆိုပေးထားသော နာရေးကူညီမှုအသင်း(ရန်ကုန်) အတွက် “SHARE MY LOVE” အမည်ရှိ တေးသီချင်းဖြစ်သည်။

ယင်းသီချင်းများကို နာရေးကူညီမှုအသင်း(ရန်ကုန်)သို့ လာရောက်လှူဒါန်းကြသော အလှူရှင် များအား မေတ္တာဖြင့် ပြန်လည်ပေးအပ်သော နာရေးကူညီမှုအသင်း(ရန်ကုန်)၏ လုပ်ဆောင်ချက်၊ ပေးဆပ်မှု DVD အခွေများတွင် ထည့်သွင်းကုသိုလ်ယူကြမည် ဖြစ်သည်။ ယခင်က စိုးသိင်္ခ (ရေး/ဆို)၊ မေခလာ၊ နှင်းဧကရီ၊ ကိုစိုးပိုင်၊ မမေရွက်ဝါ၊ အနဂ္ဃ၊ ဂျေမီ၊ ချစ်စိုး၊ ချမ်းအေးဝင်း၊ ချိုချို၊ RT (အာတီ)၊ ဘိုလေးနှင့် ပြည်သာ၊ ဂျီတုန်း၊ သုတ (Cyclone) တို့သည် ကျွန်တော်တို့နှင့်အတူ လက်တွဲပေးဆပ် ခဲ့ကြသော ဂီတပညာရှင် လူမှုရေးသူရဲကောင်းများ ဖြစ်ကြသည်။

ယခု ကိုနေ၀င်းနှင့် ကိုရဲလွင်တို့သည်လည်း ကျွန်တော်တို့ နာရေးကူညီမှုအသင်း(ရန်ကုန်)၏ အများပြည်သူအတွက် ပေးဆပ်မှုများ၊ လုပ်ဆောင်မှုများ၊ ဖေးမမှုများကို စိတ်ဝင်တစားဖြင့် မိမိတို့ တတ်ကျွမ်းသော ဂီတပညာရပ်ဖြင့် တစ်ဖက်တစ်လမ်း ကျွန်တော်တို့နှင့်အတူ ပူးပေါင်းလက်တွဲ၍ မြတ်ဗုဒ္ဓအလိုကျ လူမှုခရီးသွားကြသူများ ဖြစ်ကြသည်။ အဆိုပိုင်းတွင်မက ဂီတအတီး ပညာရှင်များ ဖြစ်ကြသော မဇ္ဈိမလှိုင်းတေးဂီတအဖွဲ့မှ ကိုဇော်မျိုးထွဋ်၊ ယူနီဗာဆယ် စတူဒီယိုမှ ကိုဇော်နှင့်အဖွဲ့ အပြင် ကိုရဲလွင်မှလည်း ကိုနေ၀င်း တေးသီချင်းအား ၀င်ရောက်တီးခတ် ပံ့ပိုးကူညီအားဖြည့် ကုသိုလ် ယူခဲ့ကြသည်။

ဂီတပညာရှင် အများစုတို့သည် လူလူချင်း စာနာစိတ်၊ မေတ္တာစိတ်၊ ဂရုဏစိတ်၊ မုဒိတာစိတ် များရှိကြသော ငြိမ်းချမ်းရေးသမားများ ဖြစ်ကြသည်။ ထိုငြိမ်းချမ်းရေး ဂီတပညာရှင်များနှင့် ကျွန်တော်တို့ နာရေးကူညီမှုအသင်း(ရန်ကုန်)သည် အများပြည်သူတို့အတွက် ပေးဆပ်ရန် အတူ လက်တွဲ ပျံသန်းနေကြပြီ ဖြစ်သည်။

(ဓာတ်ပုံများ - ကိုကျော်သူ (နာရေးကူညီမှုအသင်း)၊ ကိုနေ၀င်း၊ ကိုရဲလွင် တို့ အတူတွေ့ရစဉ်။ ကိုဇော်မျိူးထွဋ်ကို အခြားဓာတ်ပုံများတွင် တွေ့ရသည်)

Ko Nay Win wants to release new album

“မောင့်လပြည့်ဝန်း”ကို မူရင်းပိုင်ရှင်က သီဆို ထုတ်ဝေရန် အသင့်ဖြစ်နေပြီ
မိုးမခအထောက်တော် အမှတ် ၁၀၁
ဖေဖော်ဝါရီ ၁၁၊ ၂၀၁၀ကိုနေ၀င်း နှင့် ဂီတရောင်းရင်းတဦးဖြစ်သူ ဆလိုင်းဇာလျန်း (ဓာတ်ပုံ - အလင်းတန်းဂျာနယ်)

သီချင်းရေးဆရာ ကိုနေ၀င်းက သူရေးသားခဲ့သည့် နာမည်ကျော် သီချင်း “မောင့်လပြည့်ဝန်း”ကို သီဆိုအသံသွင်းပြီး ထုတ်ဝေရန် အသင့်ဖြစ်နေပြီဟု ဇန်န၀ါရီ ၂၈ ရက်နေ့ထုတ် 7DAY ဂျာနယ်တွင် ရေးသားထားသည်။

ထုတ်ဝေမည့် စီးရီးကို ဆောင်းသို့လွမ်းချင်း ဟု အမည်ပေးထားပြီး သီိချင်းသစ် ၉ ပုဒ်လည်း ပါဝင်မည်ဟု ဆိုသည်။ သို့သော်လည်း မည်သည့် ကုမ္ပဏီက မည်သည့်အချိန်တွင် ထုတ်ဝေမည် ဆိုသည်ကို ဖော်ပြထားခြင်း မရှိပေ။

“မောင့်လပြည့်ဝန်း” သည် ကွယ်လွန်သူ နိုင်ငံကျော်အဆိုတော် စိုင်းထီးဆိုင် သီဆိုခဲ့သည့် သီချင်းဖြစ်သည်၊ ထိုသီချင်းကို ကိုနေ၀င်းက ၁၉၇၃ ခုနှစ်ခန့်တွင် ရေးဖွဲ့ခဲ့ပြီး နောက် ၂ နှစ်အကြာတွင် စိုင်းထီးဆိုင်၏ စိတ္တဇအလွမ်း သီချင်းခွေတွင် စတင် ထည့်သွင်းခဲ့သည်ဟု 7DAY က ဆိုသည်။

ကိုနေ၀င်းသည် သီချင်းပုဒ်ရေ ၅၀၀ ခန့် ရေးဖွဲ့ခဲ့သူဖြစ်သည်၊ ထိုအထဲတွင် မောင်ငိုမယ် မိုးသဲထဲမှာ ကဲ့သို့သော ကော်ပီသီချင်းများလည်း ပါဝင်သည်။

အသက် ၆၀ ရှိပြီဖြစ်သော ကိုနေ၀င်းသည် ၁၉၅၀ ပြည့်နှစ် စက်တင်ဘာလ ၃၀ ရက်နေ့က မွေးဖွားသော ရှမ်းပြည်နယ် နမ္မတူမြို့နယ်သားဖြစ်သည်ဟု 7DAY တွင် ရေးသားထားသည်။ မိဘများမှာ ဦးကိုကိုလေး ဒေါ်ခင်လှမြင့်တို့ ဖြစ်သည်။

၁၀ တန်းအောင်မြင်သည့်အခါ တက္ကသိုလ်မတက်ဘဲ ဂီတလုပ်ငန်းများကိုသာ တစိုက်မတ်မတ် လုပ်ကိုင်ခဲ့သည်။

“ဂီတအလုပ်ကို ဘွဲ့ရပြီးမှ လုပ်မယ် ဆိုရင် ကျွန်တော့်အတွက် နောက်ကျသွားပြီ။ အဲဒီတော့ တစ်ခါတည်းပဲ ဒီအလုပ်ကို လုပ်တော့မယ် ဆိုပြီး လုပ်ဖြစ်ခဲ့တာ” ဟု ကိုနေ၀င်းက 7DAYကို ပြောသည်။

ကိုနေ၀င်းသည် စိုးပိုင်၊ ခိုင်ထူး၊ ခင်မောင်တိုး၊ ခင်ဝမ်း၊ မွန်းအောင်၊ ဖိုးချို၊ မေဆွိ၊ မီမီဝင်းဖေ တို့အတွက် သီချင်းများ ရေးဖွဲ့ပေးခဲ့သည်။

“မိုးမခပင်တွေ တို့သက်သေတည် စိမ်းယဉ်သော အေးမြကန်သာမြေ၊ ရိုးမတောင်ခြေ ရင်ဝယ်အလှသစ္စာတည် ငြိမ်းအေးစေ” စသည့် ၀ါကျ ပါဝင်သော “လွန်ခဲ့သောနေ့” သီချင်းသည် “လက်နက်ကိုင် တိုက်ပွဲများ ပြင်းထန်စဉ် မိုင်းရယ်မြို့လေး၌ နေထိုင်ရင်း ငြိမ်းချမ်းရေးကို မက်မော တောင့်တကာ မိုးရယ်မြို့အ၀င်ရှိ မိုးမခ အပင်ကြီးများအား သက်သေပြု၍” ရေးဖွဲ့ခဲ့သည်ဟု ဆိုသည်။ 

http://moemaka.blogspot.com/2010/02/ko-nay-win-wants-to-release-new-album.html

news in 7Day

တေးရေးကိုနေ၀င်း၏
ဆယ်နှစ်ကြာအချိန်ယူ ပြင်ခဲ့သော ဆောင်းသို့လွမ်းချင်း စီးရီးသစ်
ဒီဇင်ဘာတွင်ဖြန့်မည်

Submitted By Ko Paryar on September 22, 2009 - 6:58am


ဂန္တ၀်တေးရေးဆရာ မဇ္ဈိမလှိုင်းမှ ကိုနေ၀င်း၏ ဆယ်နှစ်နီးပါးအချိန်ယူ ပြင်ခဲ့ရသော ဆောင်းသို့လွမ်းချင်း စီရီးအယ်လဘမ်အား လာမည့်ဒီဇင်ဘာလအတွင်း စတင်ဖြန့်ချီနိုင်တော့မည် ဖြစ်သည်။ အဆိုပါစီးရီးတွင် ကိုနေ၀င်း၏ Country, Classic, Roga Rock, Folk စသည့် ကိုယ်ပိုင်သံစဉ် သီချင်းသစ်များအပြင်၊ ယခင်က ပရိသတ်ကြားတွင် ရေပန်းစားခဲ့သော စိုင်းထီဆိုင် သီဆိုခဲ့သည့် မောင့်လပြည့်ဝန်း သီချင်းအားပုံစံသစ်ဖြင့် ပြန်လည်သီဆိုထားကြောင်းသိရသည်။

ဒီအခွေလုပ်ခဲ့တာကြာပြီ၊ ပရိုဂျူစာရှာရင်းနဲ့ ကိုးနှစ်ကျော်ကြာသွားတယ်။ ဒါပေမယ့်သီချင်း အားလုံးက ကိုယ်ပိုင်သံစဉ် ဖြစ်နေတဲ့အတွက် ဒီသီချင်းတွေရဲ့ ခေတ်ဆိုတာ သူထွက်တဲ့အချိန်က သူ့ခေတ်ပါဘဲ။ တချို့ လည်းမျှော်ရတာ အရမ်းကြာနေပြီ။ ကျွန်တော်လည်း စီရီးသစ် ထွက်ချင်နေပါပြီ။ အမြန်ဆုံးထွက်ဖို့ လုပ်နေပါတယ်။ ဟုကိုနေ၀င်းကပြောကြားသည်။

ကိုနေ၀င်း၏ ကျော်ကြားသော မောင့်လပြည့်ဝန်းသီချင်းအား ၁၉၇၃ခုနှစ်က စတင်ရေးသားခဲ့ရပြီး ၁၉၇၆တွင် ပရိသတ်အတွင်း လူကြိုက်များရေပန်းစားခဲ့ရာမှ ဂီတလောက၌သမိုင်းမှတ်တိုင်တစ်ခု အဖြစ်စိုက်ထူခဲ့ခြင်း ဖြစ်သည်။

ဒီအခွေမှာ စုစုပေါင်း သီချင်း ၁၀ ပုဒ်ပါတယ်။ အခွေထွက်တဲ့အခါ မဇ္ဈိမလှိုင်း အနေနဲ့ကတော့ စတေ့ခ်ျရှိုးတွေ မတက်တော့အတွက် စားသောက်ဆိုင်တွေနဲ့ တခြားပွဲတွေမှာဘဲ ပရိုမိုးရှင်းလုပ်ဖို့ စီစဉ်ထားပါတယ်။ ဟုကိုနေ၀င်းက 7 Day News သို့ပြောကြားသည်။

အတွဲ ၈၊ အမှတ် ၂၇. 7Day News Journal